ԵՊԲՀ. Համագործակցությունը շարունակվում է

Արցախի Հանրապետության առողջապահության նախարար Արայիկ Բաղրյանն այսօր ընդունել է Ամերիկյան Հայ օգնության ֆոնդի (ՀՕՖ) հայաստանյան գրասենյակի առողջապահական ծրագրերի ղեկավար, «Հայաստան-Արցախ» հիմնադրամի բժշկական մոնիթորինգի պատասխանատու Համբարձում Սիմոնյանին:

Համբարձում Սիմոնյանը նախարարին է ներկայացրել ՀՕՖ-ի կողմից Արցախի առողջապահության նախարարության հետ համագործակցության շրջանակներում իրականացվող համայնքային բուժքույրերի վերապատրաստման աշխատանքների վերաբերյալ:

Քննարկվել է նաև Հայ օգնության ֆոնդի կողմից «Արցախում աշխատող բժիշկների շարունակական մասնագիտական զարգացում» ծրագրի շրջանակներում իրականացված աշխատանքների և հեռանկարների հետ կապված հարցեր:

Ընդհանուր առմամբ 2019 թվականին վերապատրաստվել են Արցախի Հանրապետության շրջանների 118 համայնքային բուժքույր և 28 բժիշկներ:
Հանդիպման ավարտին նախարարը շնորհակալություն է հայտնել Սիմոնյանին երկարամյա արդյունավետ համագործակցության համար և վստահեցրել, որ այն կրելու է շարունակական բնույթ:

Հարցեր, պատասխաններ, մեկնաբանություններ